هل الكود بتاعك سهل إنك ترجعله بعد 6 شهور؟ ولا محتاج شوية ترتيب! 😵💫
تعالى نتكلم عن الـ Best Practices والـ Naming Conventions.
لو مش بتتبعهم، انت كدا مش بس بتعذب نفسك، انت كمان بتضيع وقت الفريق كله!
إنت كمبرمج أكيد عارف قد إيه كتابة الكود بشكل منظم ومفهوم بتفرق في المشروع، بس خليني أسألك: إيه أكتر مشكلة بتواجهك لما تقرأ كود مكتوب من شخص تاني؟
هنا بيجي دور الـ Best Practices والـ Naming Conventions.
دول زي قواعد المرور للبرمجة، بيسهّلوا الطريق بدل ما نتوه.
– مثال بسيط:
• بدل ما تسمي المتغير x أو data1، جرب تسميه حاجة توضح وظيفته زي userName أو totalPrice.
• بالنسبة للـ Functions، خليها أفعال زي getUserData أو calculateTotal.
– طيب إزاي تعرف ال Naming Conventions للغة البرمجة اللي بتستخدمها؟
• دور في الـ Documentation الرسمية. معظم لغات البرمجة زي JavaScript، Python، أو Java عندها توثيق رسمي بيشرح الـ Best Practices والـ Naming Conventions.
• اتفرج على مشاريع مفتوحة المصدر (Open Source). مشاريع كتير على GitHub بتتبع الـ Naming Conventions الموصى بيها لكل لغة. دور على مشاريع كبيرة وحلل الكود بتاعها.
• ابحث على جوجل. لو لقيت نفسك متلغبط، ابحث عن “Best Practices for [اسم اللغة]” أو “Naming Conventions in [اسم اللغة]” وهتلاقي أكتر من مصدر. وممكن بردو تسأل ChatGPT.
طبعًا الكلام ينطبق على لغات أو Frameworks.
كتابة الكود مش علشان الكمبيوتر يفهمه بس، دي لغة للتواصل بينك وبين المطورين التانيين. الكود المنظم والمفهوم بيوفر وقت وجهد لكل الناس اللي بتشتغل عليه. ولما ترجع بعد سنين ؛ أكنك لسة مكوّد المشروع إمبارح!
