عارف إيه أكتر حاجة صعبة في مجال البرمجة؟
إنه بيتغير أسرع من أي مجال تاني! 🌀
في مجالات كتير، ممكن تشتغل طول عمرك بنفس اللي اتعلمته في الجامعة أو الكورسات اللي خدتها. لكن في البرمجة؟ لأ، الموضوع مختلف تمامًا.
اللي كان شغال من سنة، ممكن يكون ملوش قيمة دلوقتي. التكنولوجيات، الـ Frameworks، والـ Tools كلها بتتغير بسرعة رهيبة.
ولو فكرت في اللي حواليك، هتلاقي إن اللي بينجح فعلاً مش أذكى واحد، لكن أكتر واحد متابع وبيتعلم باستمرار. التكنولوجيا ما بتستناش حد، علشان كدا لازم تكون دايمًا في سباق مع الزمن.
فـ لازم دايمًا تفضل مواكب اللي حواليك:
– تابع الجديد دايمًا في مجالك، مش بس علشان السوق، لكن علشان تطوّر نفسك كمان.
– جرب التكنولوجيات الجديدة حتى لو مش هتشتغل بيها حاليًا. التجربة لوحدها بتفتح أبواب جديدة.
– خد وقت تطور مهاراتك الأساسية، سواء البرمجة، حل المشكلات، أو حتى التفكير الإبداعي.
في مجالنا، التعلم المستمر مش رفاهية، ده ضرورة علشان تفضل واقف على رجلك.
طب لو وقفت مكانك شوية؟ هتلاقي ناس كتير عدّتك وبقوا في أماكن انت كنت بتحلم توصلها.
لو حسيت إن التحديات كتير وبتضغط عليك، افتكر إن السر مش في إنك تعرف كل حاجة مرة واحدة، لكن إنك تكون ثابت في خطواتك.
التعلم المستمر مع الوقت بيجيب نتائج عظيمة.
لو عندك أي نصايح بتعملها علشان تفضل متابع، ياريت تشاركها في الكومنتس 🥰
