الذكاء الاصطناعي المفروض يطورك مش يضيعك!
مابحبش أي developer يعتمد على أدوات ذكاء اصطناعي زي ChatGPT في كتابة الكود..
علشان لو الـ developer ده مش قادر يحل المشاكل لوحده وبيعتمد على الـ AI في كل حاجة، يبقى ده مش developer.
عارف إن الأدوات دي بتسهل كتير أوي، بس لو فضلت تكتب الكود بيها طول الوقت هتضيع مهارتك في التفكير وحل المشاكل ولما أي bug يقف قدامك وانت مش معاك مساعدة من الـ AI فـ انت كدا كل سنة وانت طيب.
مش عايز أقولك بقا للأسف، إنك لو مابتستخدمش الـ AI دلوقتي .. فـ انت ضايع بردو ولو مش ضايع دلوقتي هتضيع قدام. طب أعمل ايه ياعم يوسف؟
أفضل حاجة دلوقتي تستخدم GitHub Copilot أو Cursor.
الأدوات دي مش بس بتساعدك، لكنها بتخليك تشتغل بشكل أذكى وفي نفس الوقت مش هتفقد مهارتك على حل المشاكل.
GitHub Copilot الإكستنشن بقت مجانية دلوقتي، تقدر تستخدمها في الـ IDE بتاعك علشان تجيب اقتراحات تساعدك تكمل شغلك بسرعة.
أما Cursor IDE مش مجرد أداة، ده بيئة عمل كاملة بتخليك تستخدم الـ AI بشكل ذكي علشان تعدل الكود وتحسن من طريقة شغلك. زي مثلًا تقدر تختار جزء من الكود وتطلب منه يحسّنه أو يعدل عليه حاجة انت عايزها، وكل ده جوا الـ IDE من غير ما تخرج منه!
أحلى حاجة في Cursor إنك ممكن تختار الـ AI Model فيه GitHub Copilot أو ChatGPT.
وطبعًا علشان الناس اللي ماسكة في Visual Studio وخايفين يسيبوه علشان اتعودوا عليه..
فـ واجهة Cursor شبه Visual Studio بالظبط.
هسيبك بقا تخش تغوص أكتر في Cursor وتعمل تاسكايتك الجاية بيه 😉
وأهم حاجة من البوست ده، إنك تستخدم الذكاء الاصطناعي صح،
استفيد منه من غير ما تضيّع الـ developer اللي جواك يا تنّين! 😘
