أغلب الوقت بنعمل الموقع واحنا متخيلين إن المستخدم هيقعد!
المستخدم داخل يعمل حاجة ويمشي..
ولو الصفحة خدت وقت أطول من اللي هو متوقعه،
مش هيفتح الـ DevTools علشان يشوف المشكلة فين،
هو هيقفل الموقع على طول ويشوف غيره -خسرته-.
الأداء في اللحظات دي بيبقى إحساس مش رقم،
إمّا كل حاجة ماشية بسلاسة أو الموقع تقيل وبيعاند.
علشان كدا لما جوجل بدأت تركز على Core Web Vitals
ده مش علشان تعقّد الويب، ده علشان تقيس الإحساس ده بأرقام تفيدك..
أرقام تقولك:
قد إيه المحتوى الأساسي بيظهر بسرعة (LCP)
وقد إيه أول حاجة المستخدم يشوفها بتظهر بسرعة (FCP)
وقد إيه التفاعل بيبقى فوري (INP)
وقد إيه الصفحة ثابتة ومريحة (CLS)
تحسين الـ Performance مش مرحلة بتعملها لما تخلص الموقع،
دي مرحلة بتبدأ من أول انت هتستخدم Stack ايه، لحد كونفيج الـ Deploy
افتكر إن أي تأخير حتى لو كان بسيط،
ممكن يكون السبب إن المستخدم يكمل في مكان تاني.
