لما الـ AI ياخد الكيبورد من إيدك (بالمعنى الحرفي).
فيه اتجاه جديد بدأ ينتشر بسرعة في عالم البرمجة، اسمه:
Vibe Coding
وده مش مجرد ترند، ده شكل جديد تمامًا من التفاعل مع الكود.
إيه هو الـ Vibe Coding؟ 🧠
Vibe Coding هو طريقة برمجة بتعتمد بشكل أساسي على الذكاء الاصطناعي.
بدل ما تكتب كل تفصيلة بنفسك، انت بتوصف اللي عايز تعمله بلغة طبيعية، والـ AI بيترجم ده لكود شغال.
أجمل حاجة في الـ Vibe Coding؟ 🥰
مش بس بيولد كود من أوصافك..
ده بيدخل جوّا الفايلات،
يفهم إنت بتكتب إزاي،
يربط بين أجزاء المشروع،
ويبدأ يجرب، يظبط، ويكمّل مكانك..
وانت؟ بتشرب شاي بالنعناع ومبسوط!
بيشتغل معاك كتيم ميت ذكي،
فاهم السياق، وعنده أفكار.
مثال:
“ابني صفحة تسجيل دخول بسيطة، فيها إدخال إيميل وباسورد، وزر تسجيل بلون أزرق.”
والنظام (زي ChatGPT أو Replit أو غيرهم) يولد الكود المطلوب بشكل مباشر.
إيه الفرق بينه وبين الكود العادي؟
– البرمجة التقليدية:
بتحتاج منك معرفة اللغة، السينتاكس، والبيئة.
كل تفصيلة لازم تتكتب بإيدك.
الخطأ الصغير ممكن يعطلك كتير.
– الـ Vibe Coding:
انت بتفكر بالـ مخرجات مش الأكواد.
تركيزك بيروح على الفكرة، مش التفاصيل.
الكود بيتولد شبه لحظيًا بناءً على الوصف.
ليه مهم؟ وليه بيتكلموا عنه دلوقتي؟
بيسرّع التطوير بشكل ضخم
بدل ما تبني الـ boilerplate من الصفر، بتخلص MVP في ساعات مش أيام.
– مش بس للمبرمجين
المصممين، كتّاب المحتوى، وحتى أصحاب المشاريع يقدروا يحولوا أفكارهم لمنتجات.
– أداة قوية للتعلم
تقدر تشوف ناتج الفكرة، وتفهم منه الكود لو انت بتتعلم.
🛠️ أدوات بتستخدم Vibe Coding:
Replit Ghostwriter
GitHub Copilot
Bolt AI
Cursor IDE (AI-first coding)
ChatGPT + Code Interpreter
VibeCoding.app
هل هو بديل كامل للبرمجة؟ 🤔
لأ.. مش دلوقتي على الأقل.
الـ Vibe Coding بيبرمج، لكن ما بيفهمش المنتج، ولا الهيكلة، ولا السياق الكامل زي الإنسان.
هو أداة مساعدة، مش بديل.
بس لما تستخدمه صح؟ هيضاعف إنتاجيتك ويخلي وقتك يروح للحاجات اللي فعلاً تستاهل.
لو أنت مبرمج..
ابدأ دمج Vibe Coding في يومك كأداة مساعدة.
مش علشان الكسل.. لكن علشان التركيز على الإبداع الحقيقي.
فكر في الذكاء الاصطناعي كـ”زميل في الفريق”، مش تهديد لمهنتك.
